Bola Tinubu/guw-bj
|
Cet article est écrit en Gun (Bénin) |
.jpg)
Bola Ahmed Adekunle Tinubu (xe nyí jiji to 29 Xwejisun 1952) nyí tònuɖɔtɔ́ Nigeria tɔn ɖé xe nyí Togán 16tɔ kpó Togán Nigeria tɔn todin kpó. É nyí ayimatɛn-gán Awɔnlin tɔn ɖayǐ tɔn ɖé. É wadevizɔn tayiɖi osɛ́n-ɖoaitɔ ɖé ná Hwèyixɔ-waji Awɔnlin tɔn to ojlɛ xe nɔ nyí yiylɔɖɔ "Ganɖuɖu togán ɖokpó tɔn Atɔ̀ntɔ" mɛ.
Otàn gbɛzǎn tɔn
[jlado | jla asisado]Tinubu nyí jiji to 29 Xwejisun 1952 to Ayimatɛn Osun tɔn mɛ, to Nigeria. É bɛ wexɔmɛ tintan etɔn jɛeji to St. John’s Primary School, to Aroloya to Awɔnlin, kpóɖɔ to godo mɛ to Children’s Home School to Ibadan. É kplɔ́nnǔ to Richard J. Daley College to Chicago to Illinois, kpóɖɔ é sɔ kplɔ́nnǔ to Wexɔmɛ Alavɔ Chicago tɔn (Chicago State University) to 1975 fie é mɔ gbeɖewema tintan wexɔmɛ alavɔ tɔn yí to Kanɖayǐ akwɛ́zinzan tɔn bibasí mɛ te to 1979.
To 8 Ayiɖosun 2022, Tinubu ɖuto vòbibla tintan xe tin to ogbɛ́ tonuɖiɖɔ tɔn xe to ganɖu xe nɔ nyí yiylɔɖɔ All Progressives Congress (APC) mɛ ji nadó ɖé agbàhwlɛntɔ yětɔn ná otɛn togán tɔn, gbɔn vòbibla 1,271 mimɔyi dali, kpóɖɔ é gbahwàn Mɛbɔɖo-togán-go Yemi Osinbajo tɔn xe mɔ vòbibla 235 yí bo gbahwàn Rotimi Amaechi tɔn xe mɔ vòbibla 316 yí.