Bernadette Gléhouénou-Dossou/guw-bj
|
Cet article est écrit en Gun (Bénin) |
Bernadette Gléhouénou-Dossou nyí jiji to 28 Ayiɖosun, 1952 to Covè, Bénin. É nyí mɛkplɔ́ntɔ ɖé xe ko jo azɔ̌n dó, é sɔ nyí dodinnanu bayitɔ ɖé to wexɔmɛ alavɔ Abomey-Calavi tɔn. É sɔ nyí nukɔntɔ ná ogbɛ́ voovo lɛ gɔna Fawe-Benin ga. Bernadette wɛ nyí nyɔnu tintan to Bénin kpóɖɔ to hwèyixɔ-waji aflika tɔn xe dó gbeɖewema xe klo húgǎn to wekpinkplɔ́n gandó zungbo lɛ go mɛ.
Otàn gbɛzǎn tɔn
[jlado | jla asisado]Wekpinkplɔ́n
[jlado | jla asisado]Bernadette Gléhouénou-Dossou nyí jiji to 28 Ayiɖosun, 1952 to Covè, Bénin. É kplɔ́nwe to Université nationale du Bénin sɔ́n 1977 jɛ 1979 bo mɔ gbeɖewema ɖé yí to to finɛ. Enɛgodó é wá yì Université Laval to Québec, Canada, fie é kplɔ́nwe te sɔ́n 1992 jɛ 1993. To wexɔmɛ alavɔ tɔn ɖokpólɔ é sɔ kplɔ́nwe gandó zungbo lɛ go sɔ́n 1987 jɛ 1992, bo mɔ gbeɖewema ɖé yí to finɛ.
Azɔ̌n
[jlado | jla asisado]É kplɔ́nnǔmɛ to wexɔmɛ alavɔ Abomey-Calavi tɔn, bosɔ bayi dodinnanu to finɛ ga. É vɔ kplɔ́nnǔmɛ to Université africaine de développement coopératif, kpóɖɔ to École régionale post-universitaire d’aménagement des forêts tropicales opicales (ERAIFT). Bernadette wɛ nyí nukɔntɔ ná Fawe-Benin, xe nyí ogbɛ́ ɖé xe nɔ gɔalɔna nyɔnu lɛ nadó tindó dótɛnmɛ hunɖote ɖokpólɔ xe sunnu lɛ dó nadó yí wexɔmɛ to Bénin. É sɔ nyí nukɔntɔ ná ogbɛ́ voovo lɛ ga to Bénin, ɖokpó to yé mɛ wɛ OFEDI, xe é nyí nukɔntɔ ná sɔ́n 1994, ɖevo wɛ Planète XXI-Benin, xe é nyí nukɔntɔ ná sɔ́n 2005, gɔna ɖevo lɛ ga.