Benson Sunday Agadaga

Benson Sunday Agadaga (he yin jiji to 12 Ayidosun 1956) yin tonudọtọ Nigerianu de podọ Osẹn-Namẹtọ de na agbegbe Whèzẹtẹn-waji Bayelsa tọn.

Vuwhenu

Benson Sunday Agadaga yin jiji to 12 Ayidosun 1956 to Ayimatẹn Bayelsa tọn mẹ. Otọ́ etọn wẹ Akọ̀-gán Sunday Ebenezer Agadage, podọ onọ̀ etọn wẹ Whési Virginia Erenimugha Agadage. E wlealọ hẹ Whési Regina Apuega Agadage.

Wepinplọn

Benson bẹ wehọmẹ to ST. Luke School to Ologoghe, fie e dotana wehọmẹ dòkọ tọn te sọn 1960 jẹ 1967. E yì ST. Michael High School to Oloibiri na wehọmẹ daho to 1969 po 1970 po ṣẹnṣẹn.

Sọn 1976 jẹ 1979, e plọnnu to Rivers State College of Education to Port Harcourt. To nukọn mẹ, e plọnnu to Wehọmẹ Alavọ Ahmadu Bello tọn, to Zaria, sọn 1981 jẹ 1983. To 1998 po 2000 po gblamẹ, e plọnnu dogọ to Wehọmẹ Alavọ Calabar tọn, enẹgodo yì Federal University of Technology, Owerri, sọn 2000 jẹ 2004. E mọ gbedewema daho de yí to ajọwiwa mẹ podọ gbedewema de to adọkun gbẹtọ tọn lẹ to 2006.

Agbasazọ́n

Benson wazọ́n taidi ogán wehọmẹ tọn to C.S.S Kolo sọn 1988 jẹ 1993. E sọ wazọ́n taidi ogán wehọmẹ tọn to G.G.S Ukubie sọn 1995 jẹ 1996, to whenẹnu to C.S.S Zarama sọn 1996 jẹ 1998.

Agbasazọ́n tonudidọ tọn

Ewọ yin ayinamẹtọ vonọtaun de na Ayimatẹn-gán Seriake Dickson he yin ayimatẹn-gán Bayelsa tọn. To 2019, e dọ dọ emi jlo na lẹzun ayimatẹn-gán Bayelsa tọn ṣigba bo wá doalọte to godo mẹ. To 20 Afínplọsun 2020, Ayimatẹn-gán Douye Diri de e taidi ogán azọ́nwatọ lẹ tọn. E jo azọ́n ehe do to 2022 nado whlẹnagbà na otẹn Osẹn-Namẹtọ tọn na agbegbe Whèzẹtẹn-waji Bayelsa tọn. E duto vòbibla tintan People's Democratic Party (PDP) tọn ji hẹ vòbibla 67. Omẹ awetọ etọn lẹ, Rex Jude Ogbuku po Nyenami Odual po, mọ vòbibla 41 po vòbibla 2 po yí.

To vòbibla Osẹn-Namẹtọ heyin bibasi to 25 Afínplọsun 2023 tọn mẹ, Agadaga mọ vòbibla 22,517 yí bo gbawhàn Osẹn-Namẹtọ alọnu tọn, yèdọ Fremieyo Degi All Progressives Congress (APC) tọn.