Babatunde Olatunji/guw-bj

Gun

(Bénin)

Gun (Gungbe)

Cet article est écrit en Gun (Bénin) This article is written in Gun (Bénin)

Michael Babatunde Olatunji (nyí jiji to Liɖosun 7, 1927, é kú to Liɖosun 6, 2003). Nigeria-vi jìjì ɖé xe nyí húnxotɔ, nukplɔ́nmɛtɔ, avùnlɔyitɔ ná jlɔjɛ gbɛtɔ́vi lɛ tɔn kpó hànsinɔ ɖé kpó wɛ.

Kpɛvi etɔn

Olatunji nyí jiji dó gbetato Ajido tɔn sɛkpɔ Gbagli to Ayimatɛn Awɔnlin tɔn to Xweyixɔ-waji Nigeria tɔn mɛ. Hagbɛ́ kpikpli Ogunu lɛ tɔn ɖé wɛ é nyí bɔ sɔ́n kpɛvi etɔn gbɔn wɛ é ko nɔ ɖotó ohàn Aflika-gbéji tɔn lɛ. Zɛɛmɛ nyǐkɔ etɔn Bàbátúndé tɔn wɛ, 'Baba ko lɛkɔwa', ná é nyí jìjì osun awe to oku baba etɔn Zannu, mɛxe nyí Ogunu ɖé tɔn godo wutu, yè yise ɖɔ baba Olatunji> tɔn ɖokpólɔ wɛ vɔ́jɔ. Hwèxutɔ xe ko ɖibla lɛzun kɔ́mɛgán ɖé wɛ baba etɔn nyí, kpóɖɔ onɔ etɔn nɔ bayi okò-zɛ́n lɛ bosɔ nyí Ogunu ɖé. Sɔ́n kpɛvi gbɔn wɛ Olatunji ko nɔ dó Ogugbé kpó Ayɔgbé kpó. Voɖunsi ɖé wɛ onɔ etɔn sin iya (onɔ̀-ɖaxo) kpó iya onɔ̀-ɖaxo etɔn tɔn kpó nyí. Yé nɔ sɛ̀n Voɖun tayiɖi Koli kpó yɛxwe-nyɔnu vijiji tɔn lɛ kpó.Ná otɔ etɔn yawu kú wutu, sɔ́n kpɛvi etɔn wɛ yè ko kplɔ́n ɛn ɖɔ ewɔ wɛ ná jɛ otɛn otɔ etɔn tɔn mɛ tayiɖi kɔ́mɛgán.

To hwenue é tindó oxwe 12, nadó lɛzun kɔ́mɛg̣án masɔ jlo é ba. É xya gandó tito wɛxɔmɛ-didómɛ-hlan vɔnu Rotary International Foundation tɔn go to alɔnuwe Reader's Digest mɛ, bosɔ ɖoalɔwemɛ ná tito lɔ. Yé kɛalɔyi alɔɖowěmɛ etɔn bɔ to 1950, é yí United State of America.

Wékpinkplɔ́n

Olatunji mɔ̀ tito wexɔmɛ-didómɛ-vɔnu tɔn (Rotary Scholarship) yí to 1950 bosɔ kplɔ́nwé to Morehouse College xe to Alanta, Georgia, yèɖɔ fixe jlo é. Amɔ́, é ma jihàn ɖékpókpé to Morehouse College Glee Club. Hɔ́ntɔn vivɛ ɖé wɛ Olatunji nyí ná ogán Glee Club tɔn lɔ Dr. Wendell P. Whalum kpóɖɔ é xokpóɖóná ogán Dr. Wendell to Ohàn kpɔmɛ tɔn xe nɔ nyí "Betelehemu", yèɖɔ nuwiwa hunhwɛ jijizan Jesu tɔn Nigeria tɔn ɖé. Hwenue é fó wexɔmɛ to Morehouse godo, é yì wexɔmɛ alavɔ tɔn to New York (New York University) nadó kplɔ́n Public Administration. To finɛ, é ze ogbɛ́ húnxixo tɔn kleun ɖé ɖayǐ bo nɔ yí dó din kwɛ, bɔ to ojlɛ ɖokpólɔ mɛ, é zindónùkɔn to wékpinkplɔ́n etɔn mɛ.