Béatrice Ahyi Aguessy
|
This article is written in Gun (Gungbe) |
Béatrice Akpé Ahyi-Aguessy (he yin jiji to 1934 bo wá kú to 11 Alunlunsun 2019) yin Yọnnu Tintan to Bénin he lẹzun doto he nọ penukundo yọnnu hohonọ lẹ go.
Otàn gbẹzan tọn
[jlado | jla asisado]Béatrice Ahyi yin jiji to 1934 to Bénin. E fo wehọmẹ daho to 1958. Enẹgodo, e yì wehọmẹ dotozọ́n pinplọn tọn to Dakar. Ewọ wẹ yin wehọmẹvi mẹyuu tintan he wá finẹ. To whenue e plọnwe to finẹ na owhe ẹnẹ godo, e sẹtẹn yì Paris nado zindonukọn to wepinplọn etọn mẹ podọ to 1968, e fo dotozọ́n pinplọn. To owhe ẹnẹ godo e mọ gbedewema azọ́nyinyọnẹn tọn yí nado gọalọ na yọnnu hohonọ lẹ nado jivi. Owhe atọ̀n to enẹgodo, e wá yọ́n azọ́n ganji bo gán gọalọ na mẹhe ma mọviji lẹ. To ojlẹ dopolọ mẹ, e sọ wazọ́n to adà devo dotozọ́n tọn lẹ mẹ taidi: Alọgigọna mẹhe jẹawutu na azọ́n he wà yé te wutu lẹ, Nukunpipedo gàntọ he jẹazọ̀n lẹ go po Alọgigọna whẹndo lẹ nado bayi tito na ovi nabi he yé na ji po. E plọnazọ́n doto susu lẹ to Wehọmẹ Alavọ Bénin.[1][2]
Nudọnamẹ devo lẹ gando ego
[jlado | jla asisado]Béatrice Akpé Ahyi-Aguessy wẹ asi weyọnẹntọ Honorat Aguessy tọn.[3]
Nuyiwa etọn to lẹdo mẹ
[jlado | jla asisado]E do ogbẹ́ de ai he yé ylọ dọ Sort Optimisme Club. E gọalọna yọnnu lẹ nado hoavùn sọta kansẹẹ-zọ̀n wunmẹ awe; kansẹẹ anọ́ tọn po kansẹẹ asà mẹ tọn[4].
Okú etọn
[jlado | jla asisado]To 11 janvier 2019, Béatrice Ahyi Aguessy kú to whenue e tindo owhe 85, bosọ yin didi do Ouidah to 9 février 2019. To ṣiọdidi etọn whenu, togán hoho Bénin tọn Boni Yayi po omẹ nukundeji devo lẹ po wẹ wá nuwiwa lọ tẹnmẹ nado doyẹyigona ẹn.[5][6][7]
Alọdlẹndonu lẹ
[jlado | jla asisado]- ↑ "Béatrice AHYI-AGUESSY". www.idee-benin.com. Retrieved 2025-02-08.
- ↑ TONONGBE, Venance (2019-02-02). "Bénin : Béatrice Aguessy, femme de combat". lamétéo.info. Archived from the original on 2024-06-18. Retrieved 2025-02-08.
- ↑ "Bénin : Prof Béatrice Ahyi Aguessy, 1ère femme agrégée n'est plus (ép. d'Honorat Aguessy)". La Nouvelle Tribune. 2019-01-13. Retrieved 2025-02-08.
- ↑ "Prof. Béatrice Akpé AHYI-AGUESSY, première gynécologue-obstétricienne du Bénin et de la sous-région". Retrieved 2025-02-08.
- ↑ "L'événement Précis – Obsèques de la 1èregynécologue-obstétricienne du Bénin: Béatrice Aguessy inhumée, les hommages Boni Yayi". Retrieved 2025-02-08.
- ↑ "DÉCÈS DE LA PROFESSEURE BÉATRICE AGUESSY (1934-2019) – Ligue Panafricaine-UMOJA". Retrieved 2025-02-08.
- ↑ "Bénin: Yayi Boni rend hommage à Béatrice Ahyi Aguessy". Bénin Web TV. 2019-02-09. Retrieved 2025-02-08.