Ayra Starr

Gun

(Gungbe)

Gun (Bénin)

Cet article est écrit en Gun (Gungbe) This article is written in Gun (Gungbe)

‎Ayra Starr, he yinkọ etọn tlọlọ wẹ Sarah Aderibigbe, yin hànsinọ Bénin tọn de he mẹjitọ etọn lẹ wá sọn Nigeria. E yin jiji to 14 Ayidosun 2002, to Cotonou, Bénin. To whenue e do owhe 16, aṣọ́dido wẹ yin azọ̀n he e dè jẹnukọn. To enẹgodo, e wá jẹ ohàn mẹdevo lẹ tọn ji ji bo nọ ze e do Instagram, bọ bẹsọn 2019, e jẹ ohàn edetiti tọn lẹ kàn ji. E ma dẹ̀n bọ Don Jazzy wá doayiego bo yìí do azọnwhé hànjiji tọn etọn, Mavin Records.

Otàn gbẹzan tọn

Bẹjẹeji gbẹzan tọn

‎Ayra Starr yin jiji to 14 Ayidosun 2002, to Cotonou, Benin. E wá sẹtẹn yì Awọnlin bo whẹ́n to whẹndo de he yiwanna hànjiji de mẹ. E jẹ hànji ji to hànjigbẹ́ wehọmẹ daho tọn etọn mẹ to whenue do owhe 10 bo nọ kàn ohàn lẹ hẹ nọvisunnu etọn. Ayra Starr plọnnu to Wehọmẹ Alavọ Les Cours Sonou tọn. Klasigbẹ́ etọn lẹ nọ ṣàn ẹn kò to wehọmẹ na awusọhia etọn po owhe etọn po wutu. Nado dù to mẹṣanko lọ ji, e nọ lẹhlan hànjiji.

Hànjiji-zọ̀n

‎To Avivọsun 2018, Ayra Starr jẹ azọ́n wà ji hẹ Quove Models he yin azọnwhé aṣọ́dido tọn de to Awọnlin. Enẹgodo e sọ wazọ́n hẹ azọnwhé mọnkọ devo lẹ taidi Mazelle Studio, Complete Fashion Magazine, po Esperanza Woman. To 2019, e jẹ ohàn hànjitọ devo lẹ taidi Andra Day po 2Face Idibia po tọn vọ́ji, ji bo nọ ze e do Instagram. E wá de yinkọ lọ 'Ayra Starr' taidi yinkọ hànjiji tọn etọn. To Awewesun 2019, e ji ohàn ewọ lọsu tọn de he e ylọ dọ "Damage", bo ze e do Instagram ji. Mẹsusu wẹ se ohàn lọ, ogán Mavin Records tọn, Don Jazzy, lọsu se ga.

To 2020, e jẹ hànji ji to Mavin Studios to Awọnlin. Agbán etọn de yin dide tọ́n to 22 Alunlunsun, 2021 gbọn Mavin Records dali. E kàn dopo to ohàn lọ lẹ mẹ na ede, bo kàn ẹnẹ he po lẹ dopọ hẹ nọvisunnu etọn Dami. To Whejisun 2021, e ohàn etọn lẹ wẹ yin hiho hugan to Apple Music ji to otò voovo ẹnẹ mẹ, bo yin hiho whlà livi 15 to Spotify, YouTube , po Audio Mack po ji. E ji ohàn nukundeji de he ylọ dọ "Away". Ohàn lọ gbayipe taun bo sọawuhia to ofi voovo lẹ. Vidio ohàn lọ tọn yin didohia to MTV Base ji. To Ayidosun 2021, e bayi vidio ohàn devo he e ylọ dọ "Sare" tọn. Vidio lọ yin anadena gbọn Afolabi Olalekan dali.

‎To 11 Liyasun, 2021, Ayra Starr do mahẹ to adà godo tọn Nigerian Idol tọn mẹ. To August 2021, e dè agbán devo de tọ́n he e ylọ dọ 19 & Dangerous. Mẹsusu wẹ yiwanna agbán lọ. E wá mọ nunina voovo lẹ yí na ohàn etọn lẹ wutu.

Ohàn etọn lẹ

Agbán

• 2021 : 19 & Dangerous
• 2022 : 19 & Dangerous Deluxe
• 2024 : The Year I Turned 21

EP

• 2021 : Ayra Starr EP

Ohàn he ewọ kẹdẹ ji

• 2022: Rush

Ohàn he e ji po mẹdevo lẹ po

• 2022: Come Close
• 2022 : 2 Sugar
• 2022 : Need You
• 2023 : Big Fu
• 2023 : No Love
• 2023 : My Baby
• 2023 : Unbelievable
• 2023  : My Baby Remix
• 2023 : My Love
• 2023 : People
• 2023 : Girl Next Door
• 2023 : Ngozi
• 2024  : Hypé
• 2024 : PINACOLADA
• 2024: SANTA
• 2024 : Good Feelings
• 2024 : Bora Bora
• 2024 : Make It Up To You:

‎*2026: MY BABY