Ayanne/guw-bj
|
Cet article est écrit en Gun (Bénin) |
Ayanne nyí hànsinɔ ɖé xe wá sɔ́n Côte d’Ivoire. Nyǐkɔ etɔn tawun wɛ Kony Aye Ononkale Anne Emmanuelle. É nyí jiji to 15 Kɔ́nyàsun, 1992 to Attécoubé, Côte d’Ivoire.
Mɛsusu wɛ nywɛ ná ohàn etɔn xe gbayikpé lɛ wutu, kpóɖɔ ná lexe É nɔ sɔ́nu dó.
Otàn gbɛzǎn tɔn
[jlado | jla asisado]Ayanne wá sɔ́n Sassandra to Côte d'Ivoire bo wá sɔ́n akɔ̀ Neyo tɔn mɛ. É yiwǎnna húnxixo sɔ́n ovu hwenu, kpóɖɔ hànsinɔ lɛ tayiɖi Ruth Tondey yinuwadó é ji tawun. To gbeɖewema yíyí sɔ́n wexɔmɛ ɖaxo go dó, é kplɔ́n húnxixo to Institut national supérieur des arts et de l'action culturelle (INSAAC), to agbegbe Cocody tɔn mɛ, to Abidjan.
Ayanne jɛ hànji ji to 2008 kpó alɔgɔ ɖélɛ kpó sɔ́n hànjitɔ lɛ ɖélɛ dè. É jɛ azɔ̌n wà ɖokpɔ xɛ hànsinɔ ɖevo lɛ ji to 2015-2016 bɔ to madɛnmɛ ewɔ lɔsu bɛ azɔ̌n hànjiji tɔn etɔn jɛeji to 2017 kpó ohàn awe kpó, "Le Tonton" kpó "Tranquillité" kpó. Todin é to azɔ̌n wà to azɔ́nxwe Soul Squad Music and Universal Music Africa tɔn glɔ. Ohàn etɔn lɛ tayiɖi "On me drague" (2022), "Aroukoutou", kpó "Tu vas boire l'eau" (2023) kpó ko zɔ́n bɔ é dinyi tawun. É ko yì nukɔ̀n tawun to ohàn aflika tɔn mɛ tawun, kpataki to Côte d’Ivoire, sɔ́n 2017.
Ayanne jihàn ɖokpɔ xɛ Josey. To Alunlunsun 2024, COCAN ɖɔnsɛkpɔ Ayanne kpó Josey kpó nadó jihàn ɖé xe xosɔ etɔn nyí Nous on veut s'amuser ɖokpɔ xɛ yɛ. To agbán Ayanne tɔn xe é ylɔ ɖɔ VITAMINE A mɛ, Traumatisée wɛ nyí xosɔ ohàn lɔ tɔn.
To mai 2024, é dè ohàn ɖé tɔ́n xe xosɔ etɔn wɛ "Biakamou", é sɔ bayi viɖio ɖé ná ohàn lɔ to Dakar, Senegal. Ohàn lɔ nyí ɖokpó to ohàn 15 xe to agbán etɔn "Vitamin A" xe wá dè tɔ́n to 17 Zósun, 2024 ji.
Ohàn etɔn lɛ
[jlado | jla asisado]Agbán lɛ
[jlado | jla asisado]- 2018 : La Muse
- 2024 : Vitamine A
Ohàn ɖokpóɖokpó lɛ
[jlado | jla asisado]- 2017 : Tranquillité
- 2017 : Le Tonton
- 2021 : Le Bara
- 2021 : Kiffé
- 2022 : Vié c'est comment
- 2022 : On me ɖrague
- 2023 : Aroukoutou
- 2023 : Tu vas boire l'eau
- 2024 : Biakamou
- 2024 : Nous on sait
- 2025 : Ɖja La Foule
- 2025 : L'argent (Feat BUMER)