Ayanne

Gun

(Gungbe)

Cet article est écrit en Gun (Gungbe)
This article is written in Gun (Gungbe)

‎Ayanne yin hànsinọ de he wá sọn Côte d’Ivoire. Yinkọ etọn taun wẹ Kony Aye Ononkale Anne Emmanuelle. E yin jiji to 15 Kọ́yànsun, 1992 to Attécoubé, Côte d’Ivoire.

Mẹsusu wẹ yọnẹn na ohàn etọn he gbayipe lẹ wutu, podọ na lehe E nọ sọ́nu do.

Otàn gbẹzan tọn

‎Ayanne wá sọn Sassandra to Côte d'Ivoire bo wá sọn akọ̀ Neyo tọn mẹ. E yiwanna húnhiho sọn ovu whenu, podọ hànsinọ lẹ taidi Ruth Tondey yinuwado e ji taun. To gbedewema yíyí sọn wehọmẹ daho go do, e plọn húnhiho to Institut national supérieur des arts et de l'action culturelle (INSAAC), to agbegbe Cocody tọn mẹ, to Abidjan.

Ayanne jẹ hànji ji to 2008 po alọgọ delẹ po sọn hànjitọ lẹ delẹ dè. E jẹ azọ́n wà dopọ hẹ hànsinọ devo lẹ ji to 2015-2016 bọ to madẹnmẹ ewọ lọsu bẹ azọ́n hànjiji tọn etọn jẹeji to 2017 po ohàn awe po, "Le Tonton" po "Tranquillité" PO. Todin e to azọ́n wà to azọ́nwhe Soul Squad Music and Universal Music Africa tọn glọ. Ohàn etọn lẹ taidi "On me drague" (2022), "Aroukoutou", po "Tu vas boire l'eau" (2023) po ko zọ́n bọ e diyin taun. E ko yì nukọ̀n taun to ohàn aflika tọn mẹ taun, pataki to Côte d’Ivoire, sọn 2017.

Ayanne jihàn dopọ hẹ Josey. To Alunlunsun 2024, COCAN dọnsẹpọ Ayanne po Josey po nado jihàn de he hosọ etọn yin Nous on veut s'amuser dopọ hẹ yẹ. To agbán Ayanne tọn he e ylọ dọ VITAMINE A mẹ, Traumatisée wẹ yin hosọ ohàn lọ tọn.

To mai 2024, e dè ohàn de tọ́n he hosọ etọn wẹ "Biakamou", e sọ bayi vidio de na ohàn lọ to Dakar, Senegal. Ohàn lọ yin dopo to ohàn 15 he to agbán etọn "Vitamin A" he wá dè tọ́n to 17 Zósun, 2024 ji.

Ohàn etọn lẹ

Agbán lẹ

2018 : La Muse
2024 : Vitamine A

Ohàn dopodopo lẹ

2017 : Tranquillité
2017 : Le Tonton

2021 : Le Bara
2021 : Kiffé

2022 : Vié c'est comment
2022 : On me drague

2023 : Aroukoutou
2023 : Tu vas boire l'eau

2024 : Biakamou
2024 : Nous on sait
2025 : Dja La Foule
2025 : L'argent (Feat BUMER)

Alọdlẹndonu lẹ