Aude Gbédjissi
|
This article is written in Gun (Gungbe) |
Aude Gbédjissi (he yin jiji to 8 Awewesun 1998) yin bọlu-afọtọn gbatọ Bénin tọn de he nọ yí otẹn he tin to nukọn na Seconde Ligue club RC Lens po bọlu-hògbẹ́ otò Bénin tọn po zan.
Vuwhenu
[jlado | jla asisado]Gbédjissi jẹ bọlu hò ji to whenue e gbẹ́ pò to ovu, podọ mẹdaho etọn sunnu lẹ wẹ na ẹn tuli. Talẹnti etọn yin mimọ whla tintan to whenuena e to aihunda to gbétatò lẹdo lọ tọn lẹ mẹ, bo whàn ẹn nado tọ́nsọn gbétatò lọ mẹ bo wleawuna azọ́nyinyọnẹn etọn dogọ. To ojlẹ ehe mẹ, e yinuwado mẹhe nọ dín aihundatọ lanmẹyiya tọn lẹ ji to agbàwhinwhlẹn de whenu to Bénin, ehe zọ́n bọ e kọnawudopọ hẹ bọlu-hògbẹ́ jọja Rosa Espérance tọn lẹ tọn to 2013.[1]
Azọ́n etọn taidi bọlu-afọtọn gbatọ na bọlu-hògbẹ́ lẹ
[jlado | jla asisado]To gbedewema wehọmẹ daho tọn etọn he nọ yin yiylọdọ Baccalauréat to 2018 godo, e tọ́nsọn Bénin nado doafọna agbasazọ́n etọn to tògodo, bo hodo ayinamẹ mẹplọntọ etọn he nọ yin Malick Lawogni tọn. E sẹtẹn yì Bénin bo kọnawudopọ hẹ bọlu-hògbẹ́ pẹvi de he nọ yin yiylọdọ Abdul Ivoire Service Football Club.[2] To owhe atọ̀n he bọdego lẹ gblamẹ, e hò ganji bo wazọ́n sinsinyẹn. E yin bọlu-hòtọ he yiaga hugan to Adà Awetọ po Adà Tintan po to otò etọn mẹ.[3] Ehe zọ́n bọ e sẹtẹn yì France.
To 2021, e kọnawudopọ hẹ bọlu-hògbẹ́ de he nọ yin yiylọdọ Racing Club Saint-Denis.[4] E daihun to finẹ na osun ṣidopo whẹpo do sẹtẹn yì Yzeure to Division 2 Féminine na agbàwhinwhlẹn bọlu-hihò tọn to 2022–2023.[5] To Yzeure, e yí ojlẹ de zan nado jẹ agó 15 kọ̀n to aihundida 22 mẹ.[6]
To Avivọsun 2023, e doalọwemẹ hẹ RC Lens.[7][8] To owhe tintan etọn mẹ, e nọ daihun 21 bo nọ yí bọlu-hòtọ awetọ to Lens to owhe enẹ mẹ. Agó susu wẹ e zedai to Division 2, po agó 14 po gọna alọgọ agó tọn atọ́n.[9][10]
Azọ́n tògodo tọn
[jlado | jla asisado]Gbédjissi nọ yí bọlu-hògbẹ́ akọta Bénin tọn zan. E ko to bọlu-gba to bọlu-hògbẹ́ lọ mẹ sọn 2018 gbọ́n.[11] To Liyasun 2023, to aihundida lanmẹyiya tọn he jẹnukọnna agbàwhinwhlẹn Olympique tọn lẹ whenu, e do agó tintan etọn na Bénin sọta Guinée-Bissau bo vọ́ sọawuhia whladopo dogọ to aihundida he bọdego lẹ mẹ nado gọalọna Bénin nado sẹtẹn yì adà he bọdego ji.[12][13]
Alọdlẹndonu lẹ
[jlado | jla asisado]- ↑ "Découverte d'une internationale béninoise: Aude Gbédjissi, du village Azohouè Cada à Lens". lanation.bj (in French). 22 July 2024. Retrieved 2025-02-08.
- ↑ "Aude Gbejissi : « Qualifier le Bénin à une CAN Féminine »". sportnewsafrica.com (in French). 15 June 2024. Retrieved 2025-02-08.
- ↑ "Championnat féminin de football / L'Africa Sports rafle le trophée de 2,5 millions". infosdivoire.net (in French). 23 August 2021. Retrieved 2025-02-08.
- ↑ "L'Écureuil Aude Gbedjissi en partance pour l'hexagone ?". megasportsmedia.com (in French). 30 November 2021. Retrieved 2025-02-08.
- ↑ "Mercato: L'internationale béninoise Aude Gbedjissi passe à un niveau supérieur". footeusesplus-africa.com (in French). 18 August 2022. Retrieved 2025-02-08.
- ↑ "Football féminin, D2 France J7 : Des nouvelles de la béninoise Aude Gbedjissi, encore buteuse". megasportsmedia.com (in French). 31 October 2022. Retrieved 2025-02-08.
- ↑ "Aude Gbedjissi, une internationale béninoise en Sang et Or". rclens.fr (in French). 2 August 2023. Retrieved 2025-02-08.
- ↑ "Mercato: l'Amazone Aude Gbedjissi file au RC Lens". beninwebtv.com (in French). Romaric Déguénon. 2 August 2023. Retrieved 2025-02-08.
- ↑ "[D2F] Aude Gbedjissi largement en tête du classement des buteuses à l'issue de la saison". lensois.com (in French). 28 May 2024. Retrieved 14 December 2024.
- ↑ "Aude Gbedjissi, Meilleure Buteuse". fraternitefm.bj (in French). 27 May 2024. Retrieved 2025-02-08.
- ↑ "Aude Gbedjissi : Zoom sur une talentueuse footballeuse en plein essor" (in French). JOU_EUSES. 15 November 2020. Retrieved 2025-02-08.
- ↑ "1er tour qualificatifs JO Paris 2024 : Les Amazones du Bénin tiennent en échec la Guinée Bissau". lanouvelletribune.info (in French). 14 July 2023. Retrieved 14 December 2024.
The two goals for Benin were scored by Yolande Gnammi and Aude Gbedjissi.
- ↑ "Football – Qualification Jeux Olympiques Paris 2024 Dames : Le Bénin dispose passe au tour suivant". benin-sports.com (in French). 17 July 2024. Archived from the original on 2025-02-16. Retrieved 2025-02-08.