Anna Tèko/guw-bj
|
Cet article est écrit en Gun (Bénin) |
Anna Tèko nyí jiji to 15 Zósun 1982 to Lokossa , Bénin. É nyí sinsɛ̀n-hàn jitɔ ɖé xe wá sɔ́n Bénin. É ko to hànji sɔ́n hwenue é tindó oxwe 4, to nuxòtɛn voovo lɛ kpóɖɔ to okplo lɛ ji sɔ́n 1980. É mɔ nunina voovo lɛ yí. É dè agbán xe mɛ ewɔ kɛɖɛ jihàn te etɔn tintan xe é ylɔ ɖɔ Ta douce voix tɔ́n to 2010, bɔ to 2021 é ko dè agbàn voovo atɔ́n tɔ̀n.
Otàn gbɛzǎn tɔn
[jlado | jla asisado]Hànjitɔ lɛ cɛncɛn wɛ Anna Tèko hwɛ̀n te ná onɔ̀ etɔn, nɔvisunnu etɔn kpó nɔvinyɔnu etɔn lɛ kpó kpó wɛ nyí hànjitɔ lɛ.
Mɛsusu wà nywɛ to Bénin kpó lɛdó ɖevo lɛ kpó to hwenue é ji ohàn ɖé xe é ylɔ ɖɔ Vaccinez-vous!, xe nyí ɖiɖetɔ́n gbɔn UNICEF dali nadó nɔgoɖóná tito nyɛ̀didó tɔn to xwelɔnu.
To 1998, é bayi xoyiɖokànji agbán ɖé tɔn xe xosɔ etɔn nyí Irikkpé, xe zɛɛmɛdó Jixweyɛxwe. To oxwe ɖokpólɔ mɛ, é jihàn to nuwiwa oxwe 50tɔ xe ogbɛ Organisation mondiale de la santé (OMS) nyí didóai tɔn to Geneva. To oxwe xe bɔdego, to Nuxwàsun 1999, é jihàn kpɔmɛ tɔn ɖé, yèɖɔ Terre des rois, Terre d'ébène, gbɔn François Houessou dali. Ohàn exe sɔ wá nyí ɖiɖetɔ́n tayiɖi agbán ɖé xe xosɔ etɔn nyí So Long. É zindónùkɔn nadó to hànji kakajɛ 2000 bo sɔawuxya to ohàn susu mɛ, ɖéxe mɛlɛ nywɛ húgǎn wɛ La forêt sacrée, xe nyí kinkàn gbɔn mɛɖaxo etɔn sunnu, Just Tèko, dali.
To 2006, é jì ohàn ɖé xe xosɔ etɔn nyí Réconciliation nadó ɖɔ̀n klistiani lɛ ɖokpɔ, kpóɖɔ ná jijɔxo Aflika kpó Bénin kpó tɔn.
To Avivɔsun 2009, é dó eɖe xya omɛ Inɖe tɔn lɛ to nuxixo "Le chant des syrenes " tɔn hwenu kpóɖɔ to tito tele tɔn, "Pays d'artistes", hwenu. To oxwe ɖokpólɔ mɛ, é jì ohàn ɖé xe é ylɔ ɖɔ Afro-Gospel.
To Avivɔsun 2010, é dè agbán xe mɛ ewɔ kɛɖɛ wɛ jihàn to emɛ ɖé tɔ́n xe é ylɔ ɖɔ Ta douce voix, xe nyí ɖiɖetɔ́n gbɔn José Versol dali.
Agbán
[jlado | jla asisado]- 2010 : Ta douce voix (José Versol)
- 2012 : Mon Miracle
- 2014 : Totale Adoration
- 2016 : Kafu Kafu
- 2018 : Un si grand amour
Alɔdlɛndónù lɛ
[jlado | jla asisado]