Anna Tèko
|
Cet article est écrit en Gun (Gungbe) |
Anna Tèko yin jiji to 15 Zósun 1982 to Lokossa , Bénin. E yin sinsẹ̀n-hàn jitọ de he wá sọn Bénin. E ko to hànji sọn whenue e tindo owhe 4, to nuhòtẹn voovo lẹ podọ to oplo lẹ ji sọn 1980. E mọ nunina voovo lẹ yí. E dè agbán he mẹ ewọ kẹdẹ jihàn te etọn tintan he e ylọ dọ Ta douce voix tọ́n to 2010, bọ to 2021 e ko dè agbàn voovo atọ́n tọ̀n.
Otàn gbẹzan tọn
[jlado | jla asisado]Hànjitọ lẹ ṣẹnṣẹn wẹ Anna Tèko whẹ̀n te na onọ̀ etọn, nọvisunnu etọn po nọviyọnnu etọn lẹ po po wẹ yin hànjitọ lẹ.
Mẹsusu wà yọnẹn to Bénin po lẹdo devo lẹ po to whenue e ji ohàn de he e ylọ dọ Vaccinez-vous!, he yin didetọ́n gbọn UNICEF dali nado nọgodona tito yẹ̀ndido tọn to whelọnu.
To 1998, e bayi hoyidokànji agbán de tọn he hosọ etọn yin Irikpe, he zẹẹmẹdo Jiwheyẹwhe. To owhe dopolọ mẹ, e jihàn to nuwiwa owhe 50tọ he ogbẹ Organisation mondiale de la santé (OMS) yin didoai tọn to Geneva. To owhe he bọdego, to Nuwhàsun 1999, e jihàn pọmẹ tọn de, yèdọ Terre des rois, Terre d'ébène, gbọn François Houessou dali. Ohàn ehe sọ wá yin didetọ́n taidi agbán de he hosọ etọn yin So Long. E zindonukọn nado to hànji kakajẹ 2000 bo sọawuhia to ohàn susu mẹ, dehe mẹlẹ yọnẹn hugan wẹ La forêt sacrée, he yin kinkàn gbọn mẹdaho etọn sunnu, Just Tèko, dali.
To 2006, e jì ohàn de he hosọ etọn yin Réconciliation nado dọ̀n klistiani lẹ dopọ, podọ na jijọho Aflika po Bénin po tọn.
To Avivọsun 2009, e do ede hia omẹ Inde tọn lẹ to nuhiho "Le chant des syrenes " tọn whenu podọ to tito tele tọn, "Pays d'artistes", whenu. To owhe dopolọ mẹ, e jì ohàn de he e ylọ dọ Afro-Gospel.
To Avivọsun 2010, e dè agbán he mẹ ewọ kẹdẹ wẹ jihàn to emẹ de tọ́n he e ylọ dọ Ta douce voix, he yin didetọ́n gbọn José Versol dali.
Agbán
[jlado | jla asisado]- 2010 : Ta douce voix (José Versol)
- 2012 : Mon Miracle
- 2014 : Totale Adoration
- 2016 : Kafu Kafu
- 2018 : Un si grand amour
Alọdlẹndonu lẹ
[jlado | jla asisado]