Anna Neethling-Pohl
|
Cet article est écrit en Gun (Gungbe) |
Anna Neethling-Pohl (he yin jiji to 24 Awewesun 1906, bo kú to 14 Avivọsun 1992) yin yọnnu ahundatọ̀, mahẹtindotọ podọ Anadenanutọ́ ahundida tọn to otò South Africa tọn. E sọ yin wekantọ he nọ kannu po dẹpẹyinkọ lọ Niehausvor podọ to whedelẹnu e nọ yin Wynand du Preez. Ewọ wẹ yọnnu linlin-hiatọ tintan to linlin-hiahọsa South African tọn.
Otàn gbẹzan etọn tọn
[jlado | jla asisado]Anna Servasina Pohl yin jiji to Graaff-Reinet to Azan konukunẹnẹtọ Awewesun 1906, Ewọ wẹ sọ yin mẹdaho pete to ye ovi ẹnẹ he yin jiji lẹ mẹ. E bẹ azọ́n aihundida tọn jẹeji to ovu whenu etọn to owhe atọ́n mẹvi yinyin whenu bosọ tindo mahẹ to aihundida mẹ to wehọmẹ daho Langenhoven tọn mẹ. E tindo mahẹ to aihundida he hugan kande-ao mẹ to gbẹzan etọn blebu mẹ, he suhugan yetọn yin to ogbè Afrikaans tọn mẹ. Delẹ to azọ́n etọn lẹ mẹ wẹ lẹdogbedovomẹ aihundida ṣinawe gbọn Shakespeare.
Onọ̀ etọn basi matintọ to nugbajẹmẹji he sinyẹn hugan de he jọ to Kọ́yànsun owhe 1918 tọn mẹ podọ ovi he e to adọgo tọn mẹ lọsu tlẹ sọ basi matintọ to whelọnu.Owhe awe to oku etọn godo, Otọ́ etọn wlealọ hẹ Johanna le Roux bo ji visunnu awe na ẹn (Pieter le Roux and Friedrich Wilhelm) to alọwle lọ mẹ. Otọ́ etọn basi matintọ to owhe 1964 to jijizan-whe kan-awe-aotọ etọn godo.
Neethling-Pohl po asu etọn po lẹzun ogbẹ pro-Nazi Ossewabrandwag tọn, he jẹagọ sinsinyẹn do lehe South Africa tindo mahẹ to wẹkẹ-whàn aweto mẹ do. E basi tito yọnnu 10,000 tọn bosọ nọ nukọn na ye nado jẹagọdo awhàn lọ.Asu Neethling-Pohl's tọn lẹzun anadenanutọ ogbẹ lọ tọn, bosọ yin wiwle sudo to Afínplọsun owhe 1942 tọn mẹ na mahẹ tintindo to ogbẹ lọ mẹ wutu. To nukọn mẹ e sẹngàn, bosọ yin jijo to owhe 1944. Asu po asi yetọn gbẹ yede dai to ojlẹ vude godo. Neethling-Pohl mọ ajọ̀ susu lẹ yi na lehe e tindo mahẹ titengbe to ahundida Afrikaans tọn lẹ mẹ do. Delẹ to ogbẹ he na ẹn ajọ̀ lẹ mẹ wẹ The South African Academy of the Science and Arts and The Federation of Afrikaans Cultural Associations.
Alọdlẹndonu lẹ
[jlado | jla asisado]