Ajeromi-Ifelodun

Ajeromi-Ifelodun yin lẹdo gandudu dòkọ tọn de to agbegbe Badagry tọn mẹ to Ayimatẹn Awọnlin tọn mẹ. E tindo nudi gbẹtọ 80,000 he nọ nọ̀ gbigblo dopodopo mẹ, ehe nọ hẹn ẹn yin dopo to nọtẹn he ko gọfla lọ hugan to aihọn mẹ lẹ mẹ.

Pipli hẹnnu susu tọn wẹ nọ nọ̀ Ajeromi-Ifelodun, ṣigba suhugan gbẹtọ lẹ tọn wá sọn hẹnnu Ayọnu tọnu mẹ. Sinsẹ̀n tangan lọ lẹ wẹ sinsẹ̀n Klistiani tọn po Malenu lẹ po, podọ ogbè he nọ yin didó hugan wẹ Ayọgbe po Glẹsigbe po.

Whenuho

Ajeromi-Ifelodun yin didá to 1 Kóyànsun 1976. Yinkọ lọ wá sọn tòpẹvi awe he yin yinyọnẹn ganji to lẹdo lọ mẹ lẹ mẹ: Ajeromi po Ifelodun po. Lẹdo gandudu dòkọ tọn lọ gblo sọ kilomẹtlu 12.4 lẹdo pé. E tindo gbẹtọ 800,000 linlán to mẹhihia 2006 tọn mẹ.

Ninọmẹ aimẹ tọn po lẹdo aigba tọn po

Ajeromi-Ifelodun nọ saba tindo ninọmẹ aimẹ tọn he hùnmiyọ́n hugan 27 ° C. E sọ tindo ninọmẹ fifá aimẹ tọn he yiaga taun, yèdọ nudi 88 to kanweko ji. Ojlẹ titengbe awe wẹ tin: Ojlẹ alunlun po jikun po tọn, he nọ hẹn jikun sinsinyẹn wá to whedelẹnu. Ajegunle nọ mọ jikun susugege to ojlẹ jikun tọn whenu, podọ owhè fọ́n to ojlẹ alunlun tọn whenu.

Ninọmẹ aimẹ tọn hùnmiyọ́n bo sinyẹn taun to owhe lọ mẹ. Ninọmẹ aimẹ tọn nọ saba tin to 75 °F po 91 °F po ṣẹnṣẹn. E nọ vẹawu taun nado mọ ẹn to odọ̀ 70 °F kavi hugan 94 °F.

Ojlẹ yozò tọn tin na nudi osun 4.7, sọn 6 Awewesun jẹ 29 Lidosun. To ojlẹ ehe mẹ, ninọmẹ aimẹ tọn he sinyẹn taun lọ nọ saba hugan 89 °F. Whejisun wẹ yin osun he mẹ yozò sinsinyẹn fọ́n te, bọ aimẹ hùnmiyọ́n na 91 °F bọ yozò hùnmiyọ́n jẹ 79 °F. Ojlẹ avivọ whenu tọn lẹ tin na nudi osun 3 to 26 Ayidosun jẹ 28 Zósun.

To ojlẹ ehe mẹ, yozò sinsinyẹn egbesọegbesọ tọn ma nọ saba hugan 84 ° C. Avivọsun wẹ yin osun fifá hugan lọ, he ninọmẹ aimẹ tọn hùnmiyọ́n jẹ 75 °F bosọ sinyẹn taun na 82 °F.

Tòpẹvi lẹ po lẹdo lẹ po

Tòpẹvi po lẹdo he tin to lẹdo Ajeromi-Ifelodun tọn mẹ lẹ po bẹ:

• Ashafa
• Awodi
• Ajegunle
• Aiyetoro Ajeromi
• Araromi Ajeromi
• Cardoso
• Orodu
• Temidire
• Onibaba
• Layeni
• Tolu